| 词条 | Persona4 |
| 释义 | PERSONA4 《PERSONA4》（Shin Megami Tensei: Persona 4，略称P4）系ATLUS喺2008年7月10日发售嘅PlayStation 2游戏。系PERSONA系列嘅第四集[1]。主题颜色系「黄色」。 目录 [收埋] 1 概要 概要喺一个乡间小镇中发生咗奇怪嘅连续杀人事件，主角为咗解决事件，亦为咗自己嘅未来，开始展开战斗。前作采用手枪型召唤器召唤Persona，而本作就放弃手枪召唤器，而系打碎画有自己Persona嘅卡召唤Persona。发售前有传闻眼镜系Persona嘅召唤器，但实际系喺电视世界入面，只要带咗眼镜就可以睇清楚充满浓雾嘅环境。 故事2011年4月。因为双亲要飞去外地出差，剩番主角一个人留喺日本，於是以一年为期限住喺舅父嘅屋企到。喺佢转校到嘅八十神高中入面，有一个深夜电视嘅传闻，「喺落雨嘅夜晚，午夜0时望住部开著嘅电视上自己个样，就会出现另一个人嘅映像」。为咗确认深夜电视嘅传闻，主角去咗异空间。喺嗰到被被称为阴影嘅怪物袭击，而主角嘅Persona亦随即醒觉。得到咗特殊嘅力量嘅主角班人，决定解决喺城市发生嘅连续杀人事件。 登场人物主角（冇预设嘅名）/初期Persona：伊邪那岐（配音员：浪川大辅）唔知咩原因梦见自己未来嘅少年。因为父母要飞去外地，而住喺妈咪嘅细佬屋企到，系一个离开市中心叫'稻羽市'八十稻羽（やとういなば）呢个乡间小镇。暂时由堂岛家照顾。转校到八十神高中嘅高中二年生。冇同自己嘅影战斗就令Persona醒觉，拥有特殊嘅力量，可以控制多个Persona。花村阳介（はなむら ようすけ）/专用Persona：自来也（配音员：森久保祥太郎）主角嘅同学，系市内嘅「朱尼斯八十神店」店长嘅仔。同主角一样系喺城市长大。半年前因为老窦调职所以一家搬到稻羽市，亦因为咁样佢喺稻羽市系个相当有知名度嘅名人。正义感相当强，亦好有义气嘅开朗少年。虽然讲嘢口衰衰，但好照顾同帮其他人，喺小熊出现喺现实世界嘅时候，都系佢负责照顾小熊嘅起居。为咗已经严重毁坏嘅心爱单车换做电单车而积极咁蓄钱，但一直都冇进展。喺颈上面成日挂住耳机就系佢嘅特徵。战斗嗰阵时会用两把刀仔嘅双刀流，而属性为「风」嘅加鲁系。後期嘅Persona系素盏。里中千枝（さとなか ちえ）/专用Persona：巴（配音员：堀江由衣）坐喺主角旁边嘅同学，活泼健谈而且充满精神嘅女仔，亦系讲畀主角听电视传闻嘅人。好锺意功夫电影，所以喺日成日入面成日修行，擅长用轻巧嘅身体连续使出足技。战斗结束嗰阵时嘅口头禅系出自某演员。因为开朗活泼嘅性格，所以无论男女佢都好受欢迎。亦因为咁样，成日啲人都唔当佢系一般女人嘅看待。成日着住绿色运动衫。同雪子一样唔擅长料理。属性为「水」嘅布夫系。後期嘅Persona为铃鹿御前。天城 雪子（あましろ ゆきこ）/专用Persona：木花咲耶（配音员：小清水亚美）主角嘅同学，亦系千枝嘅好朋友。老铺高级旅馆嘅独生女，被认定系下一任老板娘。因为文静嘅性格，喺学校入面好受男同学欢迎。可能因为佢嘅性格天然，喺自己谂野嗰阵时完全听唔到共他人讲嘅嘢。喺能够信赖嘅人面前，有一个狂笑嘅坏习惯。特徵系长长嘅黑发同红色嘅发箍，同埋红色嘅羊毛衫。同千枝一样唔擅长料理。战斗嗰阵时会用扇，而属性系「火」嘅亚基系。後期嘅Persona为天照。巽完二（たつみ かんじ）/专用Persona：建御雷神（配音员：关智一）八十神高中1年级生。喺初中嗰阵时代有「一个搞掂成个暴风族」嘅传闻而出晒名嘅不良少年。因为屋企系做染布坊，由细受到影响所以擅长缝纫。性格硬朗同埋嗰个传闻令到其他人好惊佢，但其实佢系个和蔼可亲，尊敬长辈嘅人。锺意可爱嘅嘢，对呢种细路仔嘢有对抗意识，所以表内非常不一。被人笑嗰阵时讲嘢会变得激动，不过多数要来遮羞。好想摸一摸小熊，但成日被佢拒绝。头脑唔系好好，对自己兴趣以外嘅事唔会理。因为自己嘅影话佢憎女仔锺意男仔（即系基），所以好想主角佢哋快啲唔记得。宽额头同米白色短发，着住骷髅头图案嘅卫衣同埋披学服。战斗嗰阵时会用凳之类嘅钝器，而属性系「雷」嘅资奥系。後期嘅Persona为六天魔王。小熊（クマ）/专用Persona：金时童子（配音员：山口胜平）喺电视世界入面嘅生物（唔确定系唔系生物），能将进入咗电视世界嘅人送返现实世界。球型一样嘅身体，而且头重可以剥落来（入面空心嘅）。称呼主角做「师傅」，第一人称称呼自己「KUMA（クマ 熊）」，喺句尾亦会加「KUMA」。得到Persona之前负责作战嗰阵时嘅支援。喺得到Persona後将支援交给理世而自己就加入战斗，重可以入埋现实世界，而佢空心嘅身体亦有咗变化，变成一个金发蓝眼嘅靓仔，令到同伴好惊讶。呢个型态只用喺现实世界，喺电视世界重系着住公仔衫（？）。战斗嗰阵时用利爪，属性系「水」嘅布夫系。久慈川理世（くじかわ りせ）/专用Persona：卑弥呼（配音员：钉宫理恵）高中1年级生，作为高中生偶像以同埋准名星而出名嘅人。唔知咩理由返来八十稻羽。父母屋企系喺稻羽市嘅商店街做豆腐铺。而家暂停偶像嘅工作，喺豆腐铺入面帮嫲嫲手。可能因为系个偶像，性格非常任性重好锺意指挥同伴，其实佢本性系好和蔼可亲天真烂漫。纤细身型嘅美少女，留住双马尾嘅发型。拥有信息支援嘅探索系能力嘅Persona，所以唔会参加战斗，而承继小熊喺战斗负责支援。後期嘅Persona系观世音。白钟直斗（しろがね なおと）/专用Persona：少彦名（配音员：朴璐美）主角嘅後辈（1年级生），被称为侦探王子，为咗调查连续杀人事件而到八十稻羽。後期嘅Persona系大和武。 其他登场人物伊哥（イゴール）（配音员：田之中勇）长鼻白髪嘅老人。喺梦同现实嘅世界之间天鹅绒室嘅主人。玛格丽特（マーガレット）（配音员：大原さやか）同伊哥同样系天鹅绒室嘅居民。主角梦见自己未来嘅嗰阵时讲「想请你帮手解读你嘅未来」嘅女性。堂岛辽太郎（どうじま りょうたろう）（配音员：石冢运升）主角母系嘅舅父，喺姐姐两夫妇去海外出差嗰阵时，主角一年为期限以儿甥住喺自己嘅家中。老婆好早就死咗，剩低个囡菜菜子两个人生活，性格迟钝，因为唔能够同囡个好好沟通所以成日都好苦恼。职业系刑警，喺稻羽署入面工作，而家追查连续杀人事件。堂岛菜菜子（どうじま ななこ）（配音员：神田朱未）辽太郎个囡，亦系主角嘅表妹。小学1年级生，细个嗰阵时妈咪由於交通意外去世。因为要照顾迟钝嘅老窦，比年龄来看更加坚强，负责一切嘅家务。狐狸（キツネ ）住喺商店街入面辰姬神社嘅狐狸。唔能够使用Persona，但跟住主角入电视世界。非常聪明重能够理解人嘅讲嘢而做出唔同嘅反应。负责用药草恢复班主角嘅体力，不过费用好鬼贵，对钱睇得好鬼重。主要出现喺入口广场同迷宫途中。只要摸一摸佢个头，可能会畀你回复嘅道具。 社群 [编辑]同同伴或者他他遇见嘅人物交流嘅羁绊，只要满足条件社群就会出生，经过各种活动来提高等级。等级分为1~MAX(10)等10个等级，等级越高喺Persona合体嗰阵时嘅奖励经验值会越多。 而同伴嘅等级上升嗰阵时，会学到「代替主角受致命一击」、「追击」同埋「令到敌人倒地」等行动。如果同伴嘅等级到达MAX嗰阵时，同伴嘅Persona就会进化。 00「愚者」「自称特别搜查队」嘅社群。01「魔术师」同花村阳介嘅社群。02「女教皇」同天城雪子嘅社群。03「女帝」同玛格丽特嘅社群。04「皇帝」同巽完二嘅社群。05「法王」同堂岛辽太郎嘅社群。06「恋爱」同久慈川りせ嘅社群。07「战车」同里中千枝と嘅社群。08「正义」同堂岛菜菜子嘅社群。09「隐者」同住喺神社嘅狐狸嘅社群。10「运命」同白钟直斗嘅社群。11「刚毅」同运动部嘅同级生、长瀬大辅（足球部）同埋一条康（篮球部）嘅社群，选择篮球部或足球部会有唔同嘅对手。12「刑死者」同第二受害者小西早纪嘅弟弟，小西尚纪嘅社群。13「死神」同喺河原遇见嘅老妇黑田久乃嘅社群。14「节制」同学童保育嘅兼职入面认识嘅妈咪南绘里嘅社群。15「恶魔 」同喺稻羽市立医院工作嘅护士上原小夜子嘅社群。16「塔」同家庭教师嘅兼职入面认识嘅学生中岛秀嘅社群。17「星」同小熊嘅社群。18「月」同运动部经理人海老原蓝嘅社群。19「太阳」同文化部嘅同级生、小泽结美（戏剧部）或松永绫音（管乐部）嘅社群。选择戏剧部或管乐部会有唔同嘅对手。20「审判」同追求真实嘅同伴嘅社群。 用语说明Persona任何人都拥有，喺心入面隐藏住嘅另一个自己，喺触到自己心底嘅嗰阵时出现嘅人格。有神或魔嘅形态，能够令人嘅力量醒觉。亦系打倒阴影嘅唯一手段。自己嘅「影」喺成为同伴之前，各人埋藏喺内心入面嘅感情会喺电视出现。当否定你(影)唔系我(本人)嗰阵时，就会得到阴影嘅力量，而喺那嗰阵时承认嘅话，就会变成Persona成为力量。深夜电视喺稻羽市传出嘅传闻。喺午夜0时嗰阵时落雨嘅夜晚，望住部开著嘅电视上自己个样，就会出现另一个人嘅映像，而画面上嘅影像就系佢嘅命运。主角赏试呢个传闻，而听到自己Persona嘅声。喺深夜电视入面浮现嘅人，喺浓雾出现嘅嗰阵时就会成为受害者。阴影居住喺异空间嘅物种。专门食人类嘅心灵。天鹅绒室主角梦中梦同现实，意识同无意识中间嘅世界。PERSONA系列惯例会登场，可以喺呢度将Persona合体。 制作人员制作人/游戏监督：桥野桂 美术监督/角色设定：副岛成记 音乐音效：目黑将司 主题曲OP主题曲「Pursuing My True Self」 主唱：平田志穗子 注解↑ PERSONA2系由《罪》同《罚》两部构成，而PERSONA3则由《Episode Yourself》(3)同《Episode Aegis》(FES)两款作品，所以正确系系列嘅第六作。 出面纲页官方PERSONA4日文官方网站 ATLUS NET PERSONA4英文官方网站 PlayStationcom(Asia)香港PERSONA4介绍网页 属於1类: PlayStation 2游戏 |
| 随便看 |
百科全书收录4421916条中文百科知识，基本涵盖了大多数领域的百科知识，是一部内容开放、自由的电子版百科全书。